السيسي صحي النهاردة بدري و شرب الشاي بدري و راح الاتحادية و عابدين و قبلة مر عل الكوربة و جروبي و شاف الشعب رايح جاي و قال يا ترزية تعالوا الان عايزين الان قانون بقرار واللي عاجبة عاجبة والي مش عاجبة حنروحة بقرار
حااااااااضر يا فندم تمااااااام يا فندم الترزية ردت وزعقت
بس نكتب ايه يا ريس و نقول ايه يا ريس
السيسي ملك الجيش رد و قال اكتب و روق منك له وزوق و رونش الكلام الآتي
انا ونحن السيسي قررنا اليوم خمسة و خميسة و عين الحسود فيها الف عود يا شعب متفرعن و عاملي فيها جبار انه اجتماع خمسة ممنوع و عشرة حيكون فيها عشرة والباقي مبدهاش اديها واخبط ارهاب
الترزية ردت و قالت المقاس يا ريس ويا مريسة موجود والشغل التمام يا فندم ابتدا و حيدوم
رد السيسي و قال يا ترزية حلو الكلام ماقل و دال
ماتنسوش الولاد الصايعة ولاد الضايعة بتوع الالتراس، عايز حتة تصنفرهم وتحطهم تحت بند ارهاب وأهو الموضة كدة اخبط و قول ارهاب
الترزية قالت قماش دورمية يا أفندم و المقص جاهز والمقاس في الأرشيف من سنة ستين و اتنين و خمسين والمخزن موجود
السيسي قال يا حلو صبح و يا حلو قول انا السيسي بقرار بقانون بصبح عل البلد و كلة علشان البلد و احنا برضة عايزين زي غيرنا نتحضر و نكون زي الأجانب في الطوابير بنظام واقفين
الترزية بصت يمين وشمال، بس يا ريس بهمسة قالت، هوا يا فندم الشعب قاري و لا فاهم، احنا حنعمل قانون عشان خاطر المريسة روشان، و حنقول كلة ارهاب
السيسي هرش و قال حبة حبة دول بتوع يناير واقفين بالمرصاد و معاهم حبة أجانب صيع عل الحبة واقفين و مش قاعدين
أمير الترزية رد وقال عيب يا مريسة مايهمش نقول عنهم كلهم ارهاب
جميل
Check related:
مصر السيسي اليوم: توك توك توك توك بقلم: جميل محمد الشوا
مصر السيسي اليوم: الحل لمصر هوا واحد مافيش غيرة: خبير خواجة مصري اجنبي بقلم: جميل محمد الشوا
No comments :
Post a Comment