البنت الحلبية اليوم .. شامية. و حمصية
والأسد والعلوي والبعثي بالدبابات بحاصرا بدو يؤدبا
والبنت الحلبية بتصرخ هالمرة صرخة حقيقية، مو صرخة دلعية و عل عوايدا غنجية، ولجوزا بتقول , ابن عمي، مين هيدا اللي بالصاروخ والدبابات بصحن البيت بيؤمر و بيتعنتر..و بيدق عل الباب
دقة همجيه ...شبيحية...
روح ابن عمي و اطرد السوري الهمجي الغريب، بدي روح عل السوق اتسوق. الكبة الحلبية عل النار والفحمة يا دوبك مستويه...
ما نقصا الا شويه و شويات ابن عمي...بس الغريب بصحن البيت بالدبابات مانعا...
اطلع ابن عمي، خياتي بالشام و حمص و أدلب ودرعا شروا الكوسا الجاهز المؤور والاكله اكلوا، ما ضل الا بنت حلب عل السوق تروح و بخياتا تلحق ..
و تحط الطبخة عل النار و تخلصا...
جميل محمد الشوا
