الجيش في مصر قالها بلسان السيسي للأمام مارش، ولصندوق الانتخابات منك ليه وليها دُر وحود، مصر من غير برلمان تبقى رسمي من غير صاحب وتكية بلا نقاش،
انتخابات انتخابات يا مصر صوتي و يا مصر زغرتي السيسي عامل للبرلمان انتخابات،
السيسي ندة بعلو حسة للبيادة، جهزوا المعتاد، وطلعوا الصيع والبلطجية من السجون والكراكونات وإملوا الشوارع بالصور واليفطات، دة مولد يابا ويابلد ابتدا واسمه الانتخابات،
المدام: أنا عايزة أصوٓت يا سيسي ماتنساش، مافيش حجة يا سيوستي، رايحة معاك الانتخابات رايحة معاك،
السيسي: من العين دي يا كل حاجة في حياتي قبل العين دي، أنا واصل الجيش ومافيش ثانية و جاي، خلصي الميكپ لزوم التيڤي وحتلاقي سيوستك شبيكي لبيكي يا حتة قشطة سايحة وكنافة دايبة بين ايديكي،
السيسي و يا الجيش و مدرا الأمن: مش عايز حد يخش الانتخابات بدقن او عَل الوش ملاية؛ شيلوا من عَل الوشوش الطُرح و احلقوا الدقون بس سيبوا السبح والزبايب لزوم الشغل وللسياح منظرة وهمبكة،
والمصريين محتارين، في منهم يقول آه و منهم يقول لا مانخشش الانتخابات،
ويا مصري و مصرية بتلطموا و بتقولوا النور والاخوان حيخشوا و برضة بتقولوا قاطعوا الانتخابات،
اه يا شعب اتعود عل الدلع ومن جيشة ماتفطمش؛ و كل مرة يقول وِلِيه الطوابير ولِيه والقرف، الجيش اخرتها خاشش خاشش واذا النتيجة وحشة؛ السيسي والبيادة في حركة واحدة يقول يا طعمة شبيكي لبيكي، بلا صندوق بلا بتاع، البيادة و ختم النسر على قفاكي وبين ايديكي.
جميل
09/20/2015
