والدنيا كوره دوارة، و اذا مش مصدق اسأل مرسي والشاطر و بديع و العريان...
حسني فيها و معها دار بس مرسي وإخوانه لسه عليها جُداد...
العريان في حسني ِشمت و قال حسني في السجن قاعد و مش خارج..الا عل نقاله مش خارج ...
و اهو ياهووو العريان عل البرش بردان..
مصر دي عايزه غربله من فوق لتحت و من تحت لفوق....
بلد و شعب اتعود عجيش و سلطه
وأتعلم من جديد يناكف في الجيش و السلطه...و يشيل ريس و يحط عل مزاجه ريس..
شعب عايز ديمقراطيه و عايز فهلوة..
شعب عايز سلطه و عايزها سَلَطه..
شعب أصيل و بتاع سلام و مع الجيران عِمل سلام...
الاخوان علشان ينجحوا لازم في الاول مايكونوش اخوان ...
الاخوانجي لازم في الاول يكون بلدي، في مصر مصري و في اي بلد، في الاول بلده...
الاسلام مش اخوان و لا حماس و لا جهاد و لا تكفير و لا اي حاجه في سوق بتتباع..
والناس مش عميان و علشان كده الحكايه لسه في أولها و الشعوب بتكتب فصولها ....
جميل محمد الشوا
11/08/2013
