اولاند: سيسي، سيسي، يا لهوي، يا خراشي، إلحقني، مسيو سيسي، مسيو سيسي، الارهاب في باريس بقى زي الأقصر وشرم وسينا
السيسي: عيب يا خواچة اولاند، ده أنا ومصر والمعلم طنطاوي وسلام مربع وأونكل عنان وبابا حسني، في الارهاب
خبرة؛ خدها نصيحة، سيب المدام، و سافر الهند والبحرين واعمل للموضوع تناش..
اولاند: دة أنا عازب يا خوووييا، مافيش مدام، بس في شيري وشوكولا و مونامور وپتي فور وترى جولي؛
بس ازاي مسيو عبدة، ده فرنسا بقت إمبابة وشبرا...وباريز عملا رفح والعريش
السيسي: أنا حبعتلك الصيع، مرتضى وعيسى وسعد وحتى حسنين هيكل بتاع ناصر شيخ المنصر و الشلة، يردحوا ويقولوا دة على فرنسا من المريخ مؤامرة وفي التلفزيون يزعقوا ويفرشوا الملاية واللنجيري ويشردحوا؛ مايهمكش، خد ، شد نفس شيشة، ده معسل محوج من شغل المدام؛ إجمد يا اولاند امال
اولاند: تفتكر يا سيسي في باريس الحكاية تنفع، والشعب يصدق وينسى
السيسي: الشعوب يا فرانسوا واحدة هية هية؛ الوصفة دي متجربة ومن سنة ٥٢ من الجيش قرار بقانون جمهوري بختم النسر عل الأفا المصري ؛ إسأل كدة، وبص وشوف في عيون الناس، مافيش؛ الخوف والرعب والجبن ساكن الصغير والكبير
جميل
"يا خوووييا" كان مشهور بيها الكوميدي المصري العظيم اسماعيل ياسين
