مصر السيسي اليوم: يا أفا فين يوجعك، البوليس والجيش بقوا للإرهاب أفا
10/24/2014
بقلم: جميل محمد الشوا
و طاخ و طيخ و اضرب عل آلافا
المصريين في سينا بقوا للإرهاب أفا
و في كل حته في مصر العسكري اتقلب ضحكة و مسخرة
والحكاية ابتدت من مدة و سنيين عدة
بس زادت و شاطت من يوم ما سلموا المسكين الاخوانجي مرسي عابدين و القبه
و أهي حجة علشان المصري يتخمد و ينام بدري و يقول حرم عليا اثور تاني
المصري المسالم الطيب الفهلوي المماين اتبهدل في سينا و غيرها من حتت مصر الضايعة
المصري يا سيسي بيتقتل يوماتي، و انت بتقول سماح تاني، المصري يا سيسي خد بالك اذا رفع رأسه تاني، والمصرية الجدعة يا سيسي خد بالك اذا للصوت رقعت تاني
جميل
--------------------------------------------------------------------------------------------------------------------------
مصر السيسي اليوم: بلدوزورات في سينا
بقلم: جميل محمد الشوا
11/02/2014
بلدوزر بلدوزر؛ السيسي راكب بلدوزر
والسيسي قال مبدهاش، سينا بقت براح،
اركب يا برعي و بسطاويسي الدبابة و روح جيبلي العيال الفلتانه،
سينا المسكينة من غلب الحكومة المصريه بقت تلفانه،
و الارض الغنية التاريخية بقت للإرهاب بطاقة و هويه،
والمصري في سينا بقا ملطشه و ضحكة و ضحيه،
بس سينا حلوة في جنوبها ووحشه في شمالها،
في سينا البدوي حاكم بأمره لايحبش لا مصري و لا حبشي و لا بتاع حماس الفلسطيني،
والمشكلة عويصة و الإرهاب بقا فروع عدة،
والدين مالوش دعوة، دول أنفار و صيع ضيع تجار مخدرات و عل الحدود تهريب و أنفاق من رفح للمسكينه المغلوب عل أمرها المنحوسه من يومها غزة،
المصري دمر عل الحدود في رفح بيوت عده، و شال و حط بس المستخبي تحت يا هوووو أكتر،
ولغاية الحظه دي الجيش والمصري بيفكر و يقول هيه سينا دي في انهي اتجاه و حته،
ويقولوا من غشمهم سينا دي حمل كبير و عل الأكتاف حجر و صخرة،
والمصري تايه في سينا تايه، بس المشكله واضحه و حكومة جاهله و شعب غلبان قلب طيب وواسع وسع سينا و حدودها،
بس الحل يا مصريه يا ام عيون شقيه ويا مصري يا ابو عمه و جلباب و طقية، بص في الخارطة و بص في الارض وأكسر البلاص والقله و انت تعرف اد ايه سينا دي غنيه و انتوا مش فاهمين و لا شايفين ولا مقدرين الحته والبطه الحلوة اللي بيضها دهب واللي انتوا عايزين تدبحوها و تعملوها عدس و رقاق و فته.
جميل
--------------------------------------------------------------------------------------------------------------------------
11/15/2014
بقلم: جميل محمد الشوا
السيسي صدا و زعيق بس فعل مافيش،
السيسي شاطح بس في سينا مش ناطح،
جماعه "مجهولة" "محدش"عرفلها هويه بتقول يا سيسي انها ارهابية و في سينا فاتحه فروع و هيدكوارتر و جمعيات و إدارة،
و زباينها واحد ما فيش غيرة و مين غيرة؛ الجندي المسكين الجيعان اللي من يومه من ظباطه و شعبه متبهدل واللي اسمه المصري أفندي ،
الإرهاب ارهاب، و الجريمة جريمه، الرك يا حكومه، يا يكون في حكومه يا مافيش و في مصر مافيش حكومه بس في معسل و دماغ و شيش بيش،
ما فيش عذر يا سيسي، المصري خلاص سلم و قال خلاص،يا جيش يا اخوان وفي الحالتين خسران.
جميل
