يافندم لقوه، الطلياني ريجيني لقوه، في الشارع المصري مقتول لقوه
السيسي: مين اللي عمل العملة، مين اللي ادة الفكرة، بس قبله، انت قلت مين
يافندم واد طلياني جه المحروسة وعمل سياسي، وفجأة لقوه في الشارع تاني لقوه، مقتول يافندم في وسط مصر لقوه
طلياني! يا راجل!، دة برضة كلام، انا كنت قاعد مع المدام والكلام حلو و الهمسة يا طشت كانت في البق و في الودان، تيجي و تقول طلياني، روح لقلبك من وزير داخلية لعربجي في الجمالية، روح دلوقتي، انا حبعت وأجيب المنشية، دة مش شغل داخلية
المخابرات: يافندم الموضوع كُبُر والطليانة كشفوه ومش حنقدر كالعادة نكفي عَل الخبر ماجور
السيسي: اندة المخابرات الحربية، دول ولادي يالهوي اية الحكاية، واد طلياني جاب داهية للبيادة
يافندم الداخلية عايزة نضافة، جواها امنا شرطة وظباط عاملين وزارة
السيسي: الداخلية وزارة، لا دي الحكاية قلبت بجد جناية
الجيش خد من الداخلية افا بس النهاردة الطلاينة هم الحكاية
انا حكلم إيطاليا وأقول إستيفان روستي ابن عمي و أقول احنا ويا الطلاينة فاميليا؛ تشاو إيطاليا تشاو
آلو آلو يا إيطاليا آلو ، انا المصري السيسي، بجد لا الي حصل دة في مصر نكاية من الاخوان يا سنيور نكاية،اه لا الا إيطاليا، انا عامل النهاردة مكرونة ولازنيا، تعالوا مصر، دي التكية أمان والطلياني ريجيني طلع مصري صعيدي.
