مصر السيسي اليوم: مرسي اطس عل آلافا عشرين بقلم: جميل محمد الشوا

ام أيمن بالصوت رقعت و قالت يا مرسيييييي

و مرسي زغرت و قال السجن يا ام أيمن ارحم

مرسي من السيسي خد عل آلافا الاخوانجي عشرين

والقاضي قال كله كوم و مرسي و شلة الاُنس الاخوانجية يا مصر كوم تاني

وخلاص حكايتك يا مصر مع الاخوان خلصت بس مع بقية الدقون العيرة لسة من الجيش مطلوبة

ومصر السلام والمحبة دلوقتي في غربلة و الشعب المصري بيدور عل هوية تكون حلوة و بتاريخه لايقة

المرحلة الجاية يا سيسي صعبة و انت و شطارتك يا تلعبها بفن و هندسة يا تفرقع والمصري و المصرية ام عيون شقية يكشفوا اللعبة

اليمن يا سيسي من فوق ماشي بس اوع تبعت المصري الطيب لليمن وللسعودي عل الارض يتذل ويتبهدل و يرجع لبلدة هربان و 

شايل ديلة و مطاطي

جميل

04/21/2015

مصر السيسي اليوم: السيسي مع الموندو بيقول انتخابات بقلم: جميل محمد الشوا

السيسي صحي تاني النهاردة بدري، و شرب نسكافية المرة دي ، و جِهز، دي الموندو بتاعة اسبانيا، جاية عل الصبح و عايزة مقابلة

وجت المدام بالكرواسان،السيسي قال لا، مع الإسبان دول الحكاية عايزة المتين المدمس و حتة جبنة و مخللة يا أمورتي وطرشاية

السيسي قال دي كلمة يا مصر من عندي الانتخابات البرلمانية 

السنة دي من عندي و من عند الجيش يا حلوة و يا حلو هدية

و انا يا مصرية يم عيون شقية و خلخال رنان بقولها وعد و كلمة، الانتخابات جاية، السنة دي، جاية

المصري و المصرية الجدعة يا سيسي من سنة ٥٢ والوعد يا وعدي هوا هوا

والجيش يا سيسي كتب للشعب الطيب من سنة ٥٢ كمبيالات و شيكات ووعود عدة

فين الرصيد للصرف يا سيسي، فين الطريق للبنك يا سيسي، دي المصري ويا المصرية اللي للبيت عل دراعاتها شايلة، مستنيين من الجيش مش وعد و كلمة، بس صرف حالا لحاملة من غير مهانة او مماينة

الشعب ياسيسي النهاردة في الطوابير واقفين و الشيك في الايد والأمل في الايد التانية بس خد بالك الدماغ ناشفة، والمصري المرة دي مش حيقبل وعود ناصر الفاضية و صراحة هيكل الكدابة الوقحة

المصري يا سيسي موديل ٢٠١٥ واقف عل الكلمة وعل الوعد و مش حيسيب آلافا مكشوف يتلسع مرة بعد مرة

جميل

04/29/2015