السيسي نده بعلو حسه، تعالوا حالاً يا ترزية عايز دستور وعايزة حالاً بالاً ومن غير تاخير ولا تلكيع،
عايزة دستور حلو ومزأطط وكده يعني لا واسع ولا
ضيق،
عايزة دستور مبطبط ومتلمع ويوماتي متشمع ومنتوف،
عايزة دستور على المقاس ومتوتك من ورا ومن قدام،
عايزة دستور لما اندة يرد ويقول شبيك يا سيسي ولبيك،
عايز دستور لما المدام تشوفه تقله تعال وتعال دلوقتي حالاً جنبي يا دستور،
عايزة دستور لما المصريين يشوفوه يقلولوا الشر برة وبعيد يا دستور،
عايزة دستور ملين ولين ومتحبش وكدة يعني دمه خفيف وينفع في وقت الضيق،
عايزة دستور يقول أنا على المِيت مليون دستور وخازوق وساطور وعليك ياسيسي ولا بنت بنوت،
عايزة كده اوزي لباني مستوي ومتبهر وعلى السفرة جاهز يتاكل ووقت اللزوم يتكسر ويتأرإش،
إندهوا عبعال وبقية الصيع والضيع واللي على الشعب الغلبان جبارين ومفتريين،
إندهوا حرامية ٥٢ والحاقدين وباشوات بعد فاروق وباشوات فاروق وحمير ناصر والحشاشين،
إندهوا الخرنچات مرسي والإخوان واللي ركبوا يناير ٢٠١١ وأي حد شايل جنح وجنايات،
بس إوعوا تصحوا وتندهوا وتشوروا بقية المصريين وبقية الميت مليون وبقية أي مصري ومصرية يزعق ويقول إصحوا يا مصريين، ده مش دستور ده الجيش والسيسي خازوق وخابور.
جميل
No comments :
Post a Comment